ಕಾಸರಗೋಡು–ಕಾಞಂಗಾಡ್ ಹೋಟೆಲ್‌ಗಳ ಮೇಲೆ ದಿಢೀರ್ ದಾಳಿ

​ಕಾಸರಗೋಡು: ಗ್ರಾಹಕರಿಗೆ ಬಳಸಿದ ಎಣ್ಣೆಯನ್ನೇ ಮರುಬಳಕೆ ಮಾಡಿ ತಿಂಡಿ ತಯಾರಿಸುತ್ತಿದ್ದ ದೂರಿನನ್ವಯ ಕಾಸರಗೋಡು ಮತ್ತು ಕಾಞಂಗಾಡ್ ನಗರದ ಹಲವು ಹೋಟೆಲ್ ಹಾಗೂ ಗೂಡಂಗಡಿಗಳ ಮೇಲೆ ಆಹಾರ ಭದ್ರತಾ ಇಲಾಖೆ ಅಧಿಕಾರಿಗಳು ದಿಢೀರ್ ದಾಳಿ ನಡೆಸಿದ್ದಾರೆ.

​ರಾಜ್ಯಾದ್ಯಂತ ನಡೆಯುತ್ತಿರುವ ‘ಆಪರೇಶನ್ ತೆಳಿಮ’ ಅಭಿಯಾನದ ಭಾಗವಾಗಿ ಕಾಸರಗೋಡು ಆಹಾರ ಭದ್ರತಾ ಇಲಾಖೆಯ ಅಸಿಸ್ಟೆಂಟ್ ಕಮಿಷನರ್ ಎಸ್. ಸಂಗೀತ್ ಅವರ ನೇತೃತ್ವದಲ್ಲಿ ಈ ಕಾರ್ಯಾಚರಣೆ ನಡೆದಿದೆ.

​ತಪಾಸಣೆ ವೇಳೆ ಆರೋಗ್ಯಕ್ಕೆ ಕಂಟಕವಾಗುವಂತಹ ಸುಮಾರು 180 ಲೀಟರ್ ಮರುಬಳಕೆಯ ಅಡುಗೆ ಎಣ್ಣೆಯನ್ನು ಪತ್ತೆಹಚ್ಚಿ, ಸ್ಥಳದಲ್ಲೇ ನಾಶಪಡಿಸಲಾಗಿದೆ.ಅಲ್ಲದೆ, ಆಹಾರ ಭದ್ರತಾ ಮಾನದಂಡಗಳನ್ನು ಗಾಳಿಗೆ ತೂರಿದ 21 ನಿಯಮಬಾಹಿರ ಸಂಸ್ಥೆಗಳಿಗೆ ದಂಡ ವಿಧಿಸಿ ನೋಟಿಸ್ ಜಾರಿಗೊಳಿಸಲಾಗಿದೆ.ಸಾರ್ವಜನಿಕರ ಆರೋಗ್ಯದ ದೃಷ್ಟಿಯಿಂದ ಮುಂಬರುವ ದಿನಗಳಲ್ಲೂ ಈ ತಪಾಸಣೆ ತೀವ್ರಗೊಳ್ಳಲಿದೆ ಎಂದು ಅಧಿಕಾರಿಗಳು ಎಚ್ಚರಿಸಿದ್ದಾರೆ.