ಮಂಗಳೂರು: ಕರ್ನಾಟಕ ಗೋಡಂಬಿ ಸಂಸ್ಕರಣೆಯ 100 ವರ್ಷಗಳ ಸ್ಮರಣಾರ್ಥವಾಗಿ ಕರ್ನಾಟಕ ಗೋಡಂಬಿ ತಯಾರಕರ ಸಂಸ್ಥೆಯಾದ [ಕೆಸಿಎಂಎ] “ಕಾಜು ಶತಮಾನೋತ್ಸವ ಸಮ್ಮೇಳನ -2025″ ಕಾರ್ಯಕ್ರಮವನ್ನು ನವೆಂಬರ್ 14, 15 ಮತ್ತು 16 ರಂದು ಭಾರತದ ಸಂಘಟಿತ ಗೋಡಂಬಿ ಉದ್ಯಮದ ಜನ್ಮಸ್ಥಳವಾದ ಮಂಗಳೂರಿನ ಡಾ. ಟಿಎಂಎ ಪೈ ಅಂತರರಾಷ್ಟ್ರೀಯ ಸಮಾವೇಶ ಕೇಂದ್ರದಲ್ಲಿ ನಡೆಸಲಿದೆ ಎಂದು ಕೆ ಸಿ ಎಂ ಎ ಸಂಸ್ಥೆಯ ಅಧ್ಯಕ್ಷರಾದ ಎ ಕೆ ರಾವ್ ತಿಳಿಸಿದರು .
ಅವರು ಮಂಗಳೂರಿನ ಖಾಸಗಿ ಹೋಟೆಲ್ ನಲ್ಲಿ ಕರೆದ ಸುದ್ದಿಗೋಷ್ಠಿಯಲ್ಲಿ ಈ ಬಗ್ಗೆ ಮಾಹಿತಿಯನ್ನು ನೀಡಿ ಮೊದಲ ಸಂಘಟಿತ ಗೋಡಂಬಿ ಕಾರ್ಖಾನೆಯನ್ನು 1925 ರಲ್ಲಿ ಮಂಗಳೂರಿನಲ್ಲಿ ಬ್ರಿಟಿಷ್ ಕಂಪನಿ ಪಿಯರ್ಸ್ ಲೆಸ್ಲೀ ಇಂಡಿಯಾ ಲಿಮಿಟೆಡ್ ಹೆಸರಿನಲ್ಲಿ ಸ್ಥಾಪಿಸಿತು. ಆರಂಭಿಕ ವರ್ಷಗಳಲ್ಲಿ, ಗೋಡಂಬಿಯನ್ನು ಚಹಾ ಪೆಟ್ಟಿಗೆಗಳು ಮತ್ತು ಮರದ ಪೆಟ್ಟಿಗೆಗಳಲ್ಲಿ ಕೊಚ್ಚಿನ್ಗೆ ರಫ್ತು ಮಾಡಲಾಗುತ್ತಿತ್ತು ಮತ್ತು ನಂತರ ವಿದೇಶಗಳಿಗೆ ಸಾಗಿಸಲಾಗುತ್ತಿತ್ತು . 1930 ರಲ್ಲಿ, ಮೊದಲ ಪ್ಯಾಕೇಜಿಂಗ್ ನಾವೀನ್ಯತೆಯು ಕಾರ್ಬನ್ ಡೈಆಕ್ಸೈಡ್ ತುಂಬಿದ ತವರ ಪಾತ್ರೆಗಳು ಗೋಡಂಬಿ ರಫ್ತುಗಳಲ್ಲಿ ಕ್ರಾಂತಿಯನ್ನುಂಟುಮಾಡಿದವು . ಅಂದಿನಿಂದ ಮಂಗಳೂರು ಉದ್ಯಮಕ್ಕೆ ಈ ಗೋಡಂಬಿ ಉದ್ಯಮವು ಕೊಡುಗೆಯನ್ನು ನೀಡುತ್ತಾ ಹೋಯಿತು . 1940 ರಲ್ಲಿ ಐದು ಕಾರ್ಖಾನೆಗಳಿಂದ ಶುರುವಾದ ಈ ಉದ್ಯಮವು ಇಂದು ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳಲ್ಲಿ 250 ಕ್ಕೂ ಹೆಚ್ಚು ಘಟಕಗಳಾಗಿ ಬೆಳೆದು ನಿಂತಿರುವುದು ಸಾಧನೆಯೇ ಆಗಿದೆ ಎಂದರು .
ಇಂದು ಭಾರತದ ಒಟ್ಟು ಗೋಡಂಬಿ ಸಂಸ್ಕರಣೆಯ 25% ರಷ್ಟಿದೆ.ಈ ಬೆಳವಣಿಗೆಯಲ್ಲಿ ನವಮಂಗಳೂರು ಬಂದರು ಪ್ರಾಧಿಕಾರ (NMPA) ಪ್ರಮುಖ ಪಾತ್ರ ವಹಿಸಿದೆ. NMPA ಮೂಲಕ ಆಮದು ಮಾಡಿಕೊಳ್ಳುವ ಗೋಡಂಬಿ ಗೋವಾ, ಮಹಾರಾಷ್ಟ್ರ, ಕೇರಳ, ಆಂಧ್ರಪ್ರದೇಶ ಮತ್ತು ಕರ್ನಾಟಕಕ್ಕೆ ಪೂರೈಸುತ್ತದೆ ಎಂದರು.ಏಪ್ರಿಲ್-ಅಕ್ಟೋಬರ್ 2025 ರಲ್ಲಿ, ನವಮಂಗಳೂರು ಬಂದರು ಪ್ರಾಧಿಕಾರದ ಮೂಲಕ ಧಾಖಲೆಯ ರಫ್ತಾಗಿದೆ ಎಂದರು .ಕಾರ್ಯಕ್ರಮದ ಉದ್ಘಾಟನಾ ಸಮಾರಂಭವು ನವೆಂಬರ್ 14 ರಂದು ನಡೆಯಲಿದ್ದು ಮುಖ್ಯ ಅತಿಥಿಗಳಾಗಿ ಕಾರ್ಮಿಕ, ಉದ್ಯೋಗ ಮತ್ತು ಎಂಎಸ್ಎಂಇ ರಾಜ್ಯ ಸಚಿವರಾದ ಶೋಭಾ ಕರಂದ್ಲಾಜೆ ಯವರು ನೆರೆವೇರಿಸಲಿರುವವರು ಕಾರ್ಯಕ್ರಮದಲ್ಲಿ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿಯಾದ ಡಿ. ವೀರೇಂದ್ರ ಹೆಗ್ಗಡೆ , ಕರ್ನಾಟಕ ವಿಧಾನಸಭೆಯ ಸ್ವೀಕರ್ ಯು.ಟಿ. ಖಾದರ್ , ಶಾಸಕರಾದ ವೇದವ್ಯಾಸ್ ಕಾಮತ್ , ವಮಂಗಳೂರು ಬಂದರು ಪ್ರಾಧಿಕಾರದ ಅಧ್ಯಕ್ಷರಾದ ಡಾ. ವೆಂಕಟ್ ರಮಣ ಅಕ್ಕರಾಜು ಸಹಿತ ಮುಂತಾದ ಗಣ್ಯರು ಇರಲಿದ್ದಾರೆ ಎಂದರು .
ಈ ಸಮ್ಮೇಳನದಲ್ಲಿ 120 ಕ್ಕೂ ಹೆಚ್ಚು ಮಳಿಗೆಗಳು ಅತ್ಯಾಧುನಿಕ ಗೋಡಂಬಿ ಸಂಸ್ಕರಣಾ ತಂತ್ರಜ್ಞಾನ, ಭಾರತ ಮತ್ತು ವಿಯೆಟ್ನಾಂನ ಯಂತ್ರೋಪಕರಣಗಳು ಮತ್ತು ನವೀನ ಉತ್ಪನ್ನ ಮಾರ್ಗಗಳನ್ನು ಪ್ರದರ್ಶಿಸಲಾಗುತ್ತದೆ ಎಂದು ಹೇಳಿದರು.ಈ ಮೂರು ದಿನದ ಸಮ್ಮೇಳನದಲ್ಲಿ ಉದ್ಯಮ ತಜ್ಞರು ಉದಯೋನ್ಮುಖ ಜಾಗತಿಕ ಮಾರುಕಟ್ಟೆ ಪ್ರವೃತ್ತಿಗಳು, ಸಾಂಪ್ರದಾಯಿಕ ವ್ಯಾಪಾರದಿಂದ ಇ-ವಾಣಿಜ್ಯ ಮತ್ತು ತ್ವರಿತ ವಾಣಿಜ್ಯಕ್ಕೆ ಬೇಡಿಕೆಯನ್ನು ಬದಲಾಯಿಸುವುದು,ದೇಶೀಯ ಬಳಕೆಯ ಬೆಳವಣಿಗೆಯನ್ನು ವಾರ್ಷಿಕವಾಗಿ 7-8% ರಿಂದ 12-13% ಕ್ಕೆ ಹೆಚ್ಚಿಸಲು ಮಾರುಕಟ್ಟೆ ತಂತ್ರಗಳು,2030 ರ ವೇಳೆಗೆ 2.5 ಮಿಲಿಯನ್ ಮೆಟ್ರಿಕ್ ಟನ್ ರಾಷ್ಟ್ರೀಯ ಉತ್ಪಾದನೆಯನ್ನು ಸಾಧಿಸುವ ವಿಷಯ ಬಗ್ಗೆ ಚರ್ಚಿಸಲಿರುವರು ಎಂದರು .
ಪತ್ರಿಕಾಗೋಷ್ಠಿಯಲ್ಲಿ ಕರ್ನಾಟಕ ಗೋಡಂಬಿ ತಯಾರಕರ ಸಂಘದ ಸಂಚಾಲಕರಾದ ಕಲ್ಬವಿ ಪ್ರಕಾಶ್ ರಾವ್, ಉಪಾಧ್ಯಕ್ಷರಾದ ತುಕಾರಾಮ್ ಪ್ರಭು,ಖಜಾಂಚಿಗಳಾದ ಗಣೇಶ್ ಕಾಮತ್, ಹಾಗೂ ಅಮಿತ್ ಪೈ ಯವರು ಉಪಸ್ಥಿತರಿದ್ದರು.
