ಕಾಸರಗೋಡು : ಸಾಮಾಜಿಕ ಜಾಲತಾಣದಲ್ಲಿ ಯುವತಿಯನ್ನು ಪರಿಚಯಿಸಿಕೊಂಡು, ನಂಬಿಸಿ ಲೈಂಗಿಕ ದೌರ್ಜನ್ಯ ಎಸಗಿದ್ದ ಆರೋಪಿಯನ್ನು ವಳಪಟ್ಟಣಂ ಪೊಲೀಸರು ಬಂಧಿಸಿದ್ದಾರೆ. ಬಂಧಿತ ರಾಸಿಕ್ (38), ವಳಪಟ್ಟಣಂ ಪಾಪಿನಕ್ಕೇರಿ ವೆಲ್ಫೇರ್ ಶಾಲೆ ಸಮೀಪದ ನಿವಾಸಿಯಾಗಿದ್ದಾನೆ.
ಮಲಯಿನ್‌ಕೀಳ್ ನಿವಾಸಿಯಾದ 37 ವರ್ಷದ ಯುವತಿಯೊಂದಿಗೆ ಸಾಮಾಜಿಕ ಜಾಲತಾಣದ ಮೂಲಕ ಸಲುಗೆ ಬೆಳೆಸಿದ್ದ ರಾಸಿಕ್, ಹಲವು ಭರವಸೆಗಳನ್ನು ನೀಡಿ ಆಕೆಯ ಊರಿಗೆ ತಲುಪಿದ್ದನು.
ಬಳಿಕ ವಿವಿಧ ಸ್ಥಳಗಳಿಗೆ ಕರೆದೊಯ್ದು ದೌರ್ಜನ್ಯವೆಸಗಿ, ನೀಡಿದ್ದ ಭರವಸೆಗಳಿಂದ ಹಿಂದೆ ಸರಿದಿದ್ದನು. ಈ ಕುರಿತು ಸಂತ್ರಸ್ತೆ ಮಲಯಿನ್‌ಕೀಳ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು.
ಪ್ರಕರಣದ ಗಂಭೀರತೆ ಅರಿತ ಪೊಲೀಸರು ವಳಪಟ್ಟಣಂ ಸಿಐ ಪಿ. ವಿಜೇಶ್ ನೇತೃತ್ವದಲ್ಲಿ ಜಂಟಿ ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದು, ಹೆಚ್ಚಿನ ತನಿಖೆಗಾಗಿ ತಿರುವನಂತಪುರದ ಮಲಯಿನ್‌ಕೀಳ್ ಪೊಲೀಸರಿಗೆ ಹಸ್ತಾಂತರಿಸಿದ್ದಾರೆ
