ಕಾಸರಗೋಡು : ಮುಳ್ಳೇರಿಯದ ಕಾನಕೋಡು ಆಜಾದ್‌ ನಗರದ ಅಂಗನವಾಡಿ ಅಧ್ಯಾಪಕಿ ಬೇಬಿ (46) ಅವರು ವಿಷ ಸೇವಿಸಿ ಸಾವನ್ನಪ್ಪಿದ್ದಾರೆ.
ಬೋಂಗತ್ತಡ್ಕ ನಿವಾಸಿ ಸುಂದರ ಎಂಬವರ ಪತ್ನಿಯಾದ ಇವರು, ಬುಧವಾರ ಮಧ್ಯಾಹ್ನ ಸಮೀಪದ ಪ್ಲಾಂಟೇಷನ್‌ ಕಾರ್ಪೋರೇಷನ್‌ನ ಗೇರು ತೋಟದಲ್ಲಿ ವಿಷ ಸೇವಿಸಿದ ಗಂಭೀರ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು.
ಕೂಡಲೇ ಅವರನ್ನು ಮುಳೇರಿಯ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಚಿಕಿತ್ಸೆ ಫಲಕಾರಿಯಾಗದೆ ಅವರು ಕೊನೆಯುಸಿರೆಳೆದರು. ನಂತರ ಕಾಸರಗೋಡು ಜನರಲ್‌ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ಪೂರ್ಣಗೊಳಿಸಿ ಮೃತದೇಹವನ್ನು ಕುಟುಂಬದವರಿಗೆ ಹಸ್ತಾಂತರಿಸಲಾಯಿತು.
