ಐಸಿರೊದ ಸೋಣ

ಪಚ್ಚೆ ಪಜಿರುಡೆ ಮೆನ್ಕುನ
ಒತ್ತೊರ್ಮೆಯಾದ್ ಕರಿಪುನ
ಸತ್ಯ -ಧರ್ಮೋದ ಬೂಡು
ಬೆನ್ನಿ -ಬುಲೆಕ್ಕುಲು ಬುಲೆಪ್ಪುನ
ದೈವ ದೇಬೆರ್ ನಿಲೆವೂರ್ನ ತುಲುನಾಡ್.

ಉಂದು ತುಲುವೆರ್ನ ಐನನೇ ತಿಂಗೊಲು
ಐಸಿರೊದ ಸೋಣ ತಿಂಗೊಲು
ಕೀರಿ ಕುತ್ತುನ ಬರ್ಸ ಕಮ್ಮಿ ಆಪಿನ ಗಳಿಗೆಲು.
ಚೌತಿ ತೀರ್ತ ಅಮಾಸೆದ ಗೌಜಿಲು
ತೆಲಿಕೆ -ನಲಿಕೆದ ದಿನೊಕ್ಕುಲು.

ಡೋಲುದ ಪೆಟ್ಟುಗ್ ಸಂದಿದ ಸ್ವರೊಕ್ಕ್
ಪೊರ್ಲ ಪಜ್ಜೆನ್ ದೀವೊoದು
ಊರು ತಿರ್ಗುದ್ ಮಾರಿ ದೇರೊಂದು
ಕಿನ್ಯ ಜೋಗಿ ಬರುವೇನೇ ನಲಿತೊಂದು
ತುಳುನಾಡುನ್ ತೂವೊಡುoದು.

ಸತ್ಯೊಲೆ ಕೊಟ್ಯಡ್ ಪೊಲ್ಸ್ ದ ತುಡರ್
ಪೊತ್ತುನ(ಬೆಳಗುನ )ಸಂತರ್ಬೊಲು
ದೈವೊಲೆ ಸುಗಿಪುನ ಪೊರ್ಲ
ಪೊಲಿಗೆದ ಮಸ್ತ್ ಕಜ್ಜಲು
ಒದಗುಂಚಿನ ಐಸಿರೊದ ತಿಂಗೊಲು.

✍️ಸುಜಿತ್. ಕುಮಾರ್