ಮಂಜೇಶ್ವರ :ಮಂಗಳೂರು : ಕಾನೂನಿನ ಕಣ್ಣಿಗೆ ಮಣ್ಣೆರಚಿ, ಬರೋಬ್ಬರಿ ಏಳು ವರ್ಷಗಳಿಂದ ನ್ಯಾಯಾಲಯದ ವಿಚಾರಣೆಗೆ ಬಾರದೆ ತಲೆಮರೆಸಿಕೊಂಡಿದ್ದ ಕುಖ್ಯಾತ ಕ್ರಿಮಿನಲ್ ಕೊನೆಗೂ ಮಂಗಳೂರು ಪೊಲೀಸರ ಬಲೆಗೆ ಬಿದ್ದಿದ್ದಾನೆ.
ಮಂಜೇಶ್ವರ ವರ್ಕಾಡಿಯ ಗೇರುಕಟ್ಟೆ ಕುಂಡಾಪು ನಿವಾಸಿ ನವಾಫ್ (33) ಬಂಧಿತ ಆರೋಪಿ. ಮಂಗಳೂರು ನಗರದ ವಿವಿಧ ಪೊಲೀಸ್ ಠಾಣೆಗಳಲ್ಲಿ ಅಕ್ಷರಶಃ 13ಕ್ಕೂ ಅಧಿಕ ಗಂಭೀರ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿರುವ ಈ ಹಂತಕ, ಪೊಲೀಸರಿಗೆ ಚಳ್ಳೆಹಣ್ಣು ತಿನ್ನಿಸಲು ಬಗೆಬಗೆಯ ವೇಷಗಳನ್ನು ಧರಿಸಿ ತಲೆಮರೆಸಿಕೊಂಡಿದ್ದನು.
ಮೂಲತಃ ಉಳ್ಳಾಲದ ಮಾರ್ಗತಲ ನಿವಾಸಿಯಾಗಿದ್ದ ಈತ, ಪೊಲೀಸರ ಬೇಟೆಯಿಂದ ತಪ್ಪಿಸಿಕೊಳ್ಳಲು ಗಡಿನಾಡಿನ ವರ್ಕಾಡಿಯಲ್ಲಿ ಅಡಗಿಕೊಂಡು ತಂತ್ರ ಹೆಣೆಯುತ್ತಿದ್ದನು. ಆದರೆ, ಖಚಿತ ಮಾಹಿತಿ ಕಲೆಹಾಕಿದ ಮಂಗಳೂರು ಪೊಲೀಸರು ಜಾಲಬೀಸಿ ಈ ಪರಾರಿಯಾಗಿದ್ದ ಭೂಪನನ್ನು ಹೆಡೆಮುರಿ ಕಟ್ಟುವಲ್ಲಿ ಯಶಸ್ವಿಯಾಗಿದ್ದಾರೆ.
