ಲಯನ್ಸ್ ಕ್ಲಬ್ ಬಂಟ್ವಾಳದ ವತಿಯಿಂದ *ಆಟಿಡೊಂಜಿ ದಿನವನ್ನು ಆಗಸ್ಟ್ 11ರಂದು ಲಯನ್ಸ್ ಸೇವಾ ಮಂದಿರದಲ್ಲಿ ಸಂಭ್ರಮದಿಂದ ಆಚರಿಸಲಾಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು *ಅಧ್ಯಕ್ಷೆ ಲಯನ್ ಚಿತ್ರಾ ಯಡಪಡಿತ್ತಾಯ ವಹಿಸಿದ್ದರು.
ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಮಂಗಳೂರು ವಿಶ್ವವಿದ್ಯಾನಿಲಯದ ತುಳು ಅಧ್ಯಯನ ಪೀಠದ ಸಹಾಯಕ ಪ್ರಾಧ್ಯಾಪಕರಾದ ಶ್ರೀ ಪ್ರಸಾದ್ ಅಂಚನ್ ಅವರು ಭಾಗವಹಿಸಿದ್ದರು. ಕ್ಲಬ್ನ ಎಲ್ಲಾ ಸದಸ್ಯರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದು, ಉತ್ಸಾಹದಿಂದ ಪಾಲ್ಗೊಂಡರು.
ಆಟಿಡೊಂಜಿ ದಿನದ ಅಂಗವಾಗಿ ನಮ್ಮ ಲೇಡಿ ಲಯನ್ಸ್ ಸದಸ್ಯೆಯರು ತಯಾರಿಸಿದ ಸಾಂಪ್ರದಾಯಿಕ ಮನೆಯೂಟವನ್ನು ಎಲ್ಲರೂ ಸವಿದರು. ಇದೇ ಸಂದರ್ಭದಲ್ಲಿ ಸೇವಾ ಚಟುವಟಿಕೆಯ ಭಾಗವಾಗಿ, ವೈದ್ಯಕೀಯ ಚಿಕಿತ್ಸೆಯ ಅಗತ್ಯವಿದ್ದ ಓರ್ವ ನಿರ್ಗತಿಕರಿಗೆ ₹5,000/- ಆರ್ಥಿಕ ನೆರವನ್ನು ನೀಡಲಾಯಿತು.
ಕಾರ್ಯದರ್ಶಿ ಲಯನ್ ಜಯಂತಿ ಪ್ರಭು ಅವರು ಕಾರ್ಯದರ್ಶಿಯ ವರದಿಯನ್ನು ಮಂಡಿಸಿದರು. ಖಜಾಂಚಿ ಲಯನ್ ಸುನೀಲ್ ಅವರು ಆರ್ಥಿಕ ವರದಿಯನ್ನು ಮಂಡಿಸಿದರು. ಲಯನ್ ಸುನೀಲ್ ಅಪೂರ್ವ ಅವರು ವಂದನಾರ್ಪಣೆ ಸಲ್ಲಿಸಿದರು. ಕಾರ್ಯಕ್ರಮವನ್ನು ಲಯನ್ ದಿನೇಶ್ ಸುವರ್ಣ ರೈ ಅವರು ನಿರೂಪಿಸಿದರು.
*ಕಾರ್ಗಿಲ್ ವಿಜಯ ದಿವಸ್ದ ಅಂಗವಾಗಿ, ದೇಶದ ಸೇವೆಯಲ್ಲಿ ಸಲ್ಲಿಸಿದ ಸೇವೆಯನ್ನು ಗುರುತಿಸಿ ನಮ್ಮ ಮಾಜಿ ಸೈನಿಕರಾದ *ಲಯನ್ ಮಾಧವ ಮಾರ್ಲ ಅವರನ್ನು ಸನ್ಮಾನಿಸಲಾಯಿತು.
ಕಾರ್ಯಕ್ರಮದಲ್ಲಿ PMCC ಲಯನ್ ವಸಂತ್ ಶೆಟ್ಟಿ, ಪ್ರಾದೇಶಿಕ ಅಧ್ಯಕ್ಷ (RC) ಲಯನ್ ಶ್ರೀನಿವಾಸ್ ಪೂಜಾರಿ, ವಲಯ ಅಧ್ಯಕ್ಷ (ZC) ಲಯನ್ ಉಮೇಶ್ ಆಚಾರ್ಯ, ಕ್ಯಾಬಿನೆಟ್ ಸದಸ್ಯ ಲಯನ್ ಜಗದೀಶ್ ಯಡಪಡಿತ್ತಾಯ ಸೇರಿದಂತೆ ಲಯನ್ಸ್ ಕ್ಲಬ್ನ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು.
ಈ ಕಾರ್ಯಕ್ರಮವು ಸಂಪ್ರದಾಯ, ಸ್ನೇಹ, ಸೇವಾ ಮನೋಭಾವ ಮತ್ತು ದೇಶಭಕ್ತಿಯ ಸುಂದರ ಸಂಗಮವಾಗಿ ಮೂಡಿಬಂದಿತು. ಲಯನ್ಸ್ ಕ್ಲಬ್ ಬಂಟ್ವಾಳದ ಸೇವಾ ಮನೋಭಾವ ಮತ್ತು ಒಗ್ಗಟ್ಟನ್ನು ಈ ಆಚರಣೆ ಮತ್ತಷ್ಟು ಬಿಂಬಿಸಿತು.
