ಫುಜೈರಾ: ಸಯಾಟಿಕಾದಿಂದ ಬಳಲುತ್ತಿದ್ದ ರೋಗಿಗೆ ‘ಅವೇಕ್ ಲಂಬಾರ್ ಸ್ಪೈನ್ ಫ್ಯೂಷನ್’ ಶಸ್ತ್ರಚಿಕಿತ್ಸೆ ನಡೆಸಿ ತುಂಬೆ ಆಸ್ಪತ್ರೆ ಫುಜೈರಾ ಯಶಸ್ವಿ ಫಲಿತಾಂಶ ದಾಖಲಿಸಿದೆ. ಇದರಿಂದ ಆಸ್ಪತ್ರೆಯ ಸುಧಾರಿತ ಬೆನ್ನುಮೂಳೆ ಹಾಗೂ ನೋವು ನಿರ್ವಹಣಾ ಚಿಕಿತ್ಸಾ ಸೇವೆಗಳಿಗೆ ಮತ್ತಷ್ಟು ಬಲ ಬಂದಿದೆ.
ಆಸ್ಪತ್ರೆಯ ಕನ್ಸಲ್ಟೆಂಟ್ ನ್ಯೂರೋಸರ್ಜನ್ ಡಾ. ಹಿಲೋಲ್ ಕಾಂತಿ ಪಾಲ್ ಅವರ ನೇತೃತ್ವದಲ್ಲಿ ಶಸ್ತ್ರಚಿಕಿತ್ಸೆ ನಡೆಸಲಾಗಿದ್ದು, ಅನಸ್ತೀಷಿಯಾಲಜಿ ತಜ್ಞರಾದ ಡಾ. ಅಜರುದ್ದೀನ್ ಮೊಹಮ್ಮದ್ ಮತ್ತು ಡಾ. ರವೀಂದ್ರ ರೆಡ್ಡಿ ಹಾಗೂ ಸಂಪೂರ್ಣ ಆಪರೇಷನ್ ಥಿಯೇಟರ್ ತಂಡ ಸಹಕರಿಸಿತು.
‘ಅವೇಕ್ ಲಂಬಾರ್ ಸ್ಪೈನ್ ಫ್ಯೂಷನ್’ ವಿಧಾನವನ್ನು ಸೂಕ್ತವಾಗಿ ಆಯ್ಕೆ ಮಾಡಲಾದ ರೋಗಿಗಳಿಗೆ, ರೋಗಿ ಎಚ್ಚರದಲ್ಲಿರುವ ಅಥವಾ ನಿಯಂತ್ರಿತ ಸಿಡೇಶನ್ನಲ್ಲಿರುವ ಸ್ಥಿತಿಯಲ್ಲಿ ನಡೆಸಲಾಗುತ್ತದೆ. ಶಸ್ತ್ರಚಿಕಿತ್ಸೆಯ ಪ್ರಮುಖ ಹಂತಗಳಲ್ಲಿ ರೋಗಿಯೊಂದಿಗೆ ಸಂವಹನ ಸಾಧ್ಯವಾಗುವುದರಿಂದ ವೈದ್ಯರಿಗೆ ಹೆಚ್ಚುವರಿ ಕ್ಲಿನಿಕಲ್ ಪ್ರತಿಕ್ರಿಯೆ ದೊರೆಯುತ್ತದೆ. ಇದು ಸಾಮಾನ್ಯ ಶಸ್ತ್ರಚಿಕಿತ್ಸಾ ಅವಧಿಯ ನ್ಯೂರೋ ಮಾನಿಟರಿಂಗ್ಗೆ ಪೂರಕವಾಗುತ್ತದೆ.
ಸಯಾಟಿಕಾ ರೋಗಿಗಳ ಚಿಕಿತ್ಸೆಯಲ್ಲಿ ಡಾ. ಪಾಲ್ ಅವರು ಕ್ಲಿನಿಕಲ್ ಪರೀಕ್ಷೆ, ಅಗತ್ಯ ಡಯಾಗ್ನೋಸ್ಟಿಕ್ ಇಮೇಜಿಂಗ್ ಹಾಗೂ ಗುರಿತಪ್ಪದ ನೋವು ನಿರ್ವಹಣಾ ವಿಧಾನಗಳನ್ನು ಒಳಗೊಂಡ ವ್ಯವಸ್ಥಿತ ಚಿಕಿತ್ಸಾ ಕ್ರಮ ಅನುಸರಿಸುತ್ತಾರೆ. ಸಂಪ್ರದಾಯಬದ್ಧ ಅಥವಾ ಸೂಕ್ತ ಇಂಟರ್ವೆನ್ಷನಲ್ ಚಿಕಿತ್ಸೆಯಿಂದ ಸಾಕಷ್ಟು ಪರಿಹಾರ ದೊರೆಯದ ಹಾಗೂ ಬೆನ್ನುಮೂಳೆಯಲ್ಲಿ ರಚನಾತ್ಮಕ ಸಮಸ್ಯೆ ಕಂಡುಬರುವ ರೋಗಿಗಳಿಗೆ ಕನಿಷ್ಠ ಆಕ್ರಮಣಕಾರಿ ಡಿಕಂಪ್ರೆಷನ್ ಮತ್ತು ಫ್ಯೂಷನ್ ಶಸ್ತ್ರಚಿಕಿತ್ಸೆಯನ್ನು ಪರಿಗಣಿಸಲಾಗುತ್ತದೆ.
ಡಾ. ಹಿಲೋಲ್ ಕಾಂತಿ ಪಾಲ್ ಮಾತನಾಡಿ, “ಸೂಕ್ತವಾಗಿ ಆಯ್ಕೆ ಮಾಡಲಾದ ಪ್ರಕರಣಗಳಲ್ಲಿ ಅವೇಕ್ ಸ್ಪೈನ್ ಫ್ಯೂಷನ್ ಶಸ್ತ್ರಚಿಕಿತ್ಸೆ ಸುರಕ್ಷಿತ ಶಸ್ತ್ರಚಿಕಿತ್ಸಾ ಆಯ್ಕೆಗಳಲ್ಲಿ ಒಂದಾಗಿದೆ. ರೋಗಿಯೇ ನೇರವಾಗಿ ಪ್ರತಿಕ್ರಿಯಿಸುವ ಮೂಲಕ ನ್ಯೂರೋ ಮಾನಿಟರ್ನಂತೆ ಕಾರ್ಯನಿರ್ವಹಿಸುವುದರಿಂದ ನರಗಳಿಗೆ ಹಾನಿ ಅಥವಾ ಕಿರಿಕಿರಿಯ ಅಪಾಯವನ್ನು ಕಡಿಮೆ ಮಾಡಲು ಸಹಾಯವಾಗುತ್ತದೆ. ಥಂಬೆ ಆಸ್ಪತ್ರೆ ಫುಜೈರಾದಲ್ಲಿ ಎರಡು ಸಿ-ಆರ್ಮ್ ಫ್ಲೋರೋಸ್ಕೋಪಿ ಯಂತ್ರಗಳನ್ನು ಏಕಕಾಲದಲ್ಲಿ ಬಳಸುವುದರಿಂದ ಶಸ್ತ್ರಚಿಕಿತ್ಸಾ ಅವಧಿ ಹಾಗೂ ಅನಸ್ತೀಷಿಯಾ ಔಷಧದ ಅಗತ್ಯವನ್ನು ಕಡಿಮೆ ಮಾಡುವುದರ ಜೊತೆಗೆ ರೋಗಿಯ ಸಹಕಾರವನ್ನು ಖಚಿತಪಡಿಸಿಕೊಳ್ಳಲು ಸಾಧ್ಯವಾಗಿದೆ” ಎಂದರು.
ತುಂಬೆ ಹೆಲ್ತ್ಕೇರ್ನ ಉಪಾಧ್ಯಕ್ಷ ಡಾ. ಅಕ್ಬರ್ ತುಂಬೆ ಮಾತನಾಡಿ, “ದೀರ್ಘಕಾಲದ ಸಯಾಟಿಕಾದಿಂದ ಬಳಲುತ್ತಿರುವ ರೋಗಿಗಳಿಗೆ ಸೂಕ್ತ ತಜ್ಞರ ಚಿಕಿತ್ಸೆ ಲಭ್ಯವಾಗುವುದು ಅವರ ದೈನಂದಿನ ಜೀವನದಲ್ಲಿ ಮಹತ್ವದ ಬದಲಾವಣೆ ತರಬಹುದು. ತುಂಬೆ ಆಸ್ಪತ್ರೆ ಫುಜೈರಾದಲ್ಲಿ ದೊರೆತಿರುವ ಈ ಫಲಿತಾಂಶವು ಶಸ್ತ್ರಚಿಕಿತ್ಸೆ, ಅನಸ್ತೀಷಿಯಾ ಹಾಗೂ ಆಪರೇಷನ್ ಥಿಯೇಟರ್ ತಂಡಗಳ ಪರಿಣತಿ ಮತ್ತು ಸಮನ್ವಯವನ್ನು ಪ್ರತಿಬಿಂಬಿಸುತ್ತದೆ. ಸೂಕ್ತ ರೋಗಿಗಳ ಆಯ್ಕೆ, ವೈಯಕ್ತಿಕ ಚಿಕಿತ್ಸಾ ವಿಧಾನ ಹಾಗೂ ರೋಗಿಗಳ ಸುರಕ್ಷತೆಯನ್ನು ಕೇಂದ್ರವಾಗಿಟ್ಟುಕೊಂಡು ವಿಶೇಷ ಬೆನ್ನುಮೂಳೆ ಚಿಕಿತ್ಸಾ ಸೇವೆಗಳನ್ನು ಮತ್ತಷ್ಟು ಬಲಪಡಿಸಲು ನಾವು ಬದ್ಧರಾಗಿದ್ದೇವೆ” ಎಂದರು.
