ವೆನ್ಲಾಕ್ ಆಸ್ಪತೆಯ ಮೂಲ ಸೌಕರ್ಯವನ್ನು ಇನ್ನಷ್ಟು ಪ್ರಮಾಣದಲ್ಲಿ ಹೆಚ್ಚಳ ಮಾಡುವ ಉದ್ದೇಶದಿಂದ ವಿಭಾಗೀಯ ಆಸ್ಪತ್ರೆಯನ್ನಾಗಿ ಮಾಡಲು ಕ್ರಮವನ್ನು ಶೀಘ್ರವೇ ಕೈಗೊಳ್ಳಲಾಗುವುದೆಂದು ವಿಧಾನ ಪರಿಷತ್ ಶಾಸಕರಾದ ಐವನ್ ಡಿಸೋಜ ಹೇಳಿದರು.
ಅವರು ಮನಪಾ ಕಚೇರಿಯಲ್ಲಿ ಕರೆದ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿ , ವೆನ್ಲಾಕ್ ಆಸ್ಪತೆಯನ್ನು ವಿಭಾಗೀಯ ಆಸ್ಪತ್ರೆಯನ್ನಾಗಿ ಮಾಡಿದರೆ ಈಗ ಇರುವ ೪೦೦ ಸಿಬ್ಬಂದಿಗಳು ೮೦೦ ಸಿಬ್ಬಂದಿಗೆ ಹೆಚ್ಚಳವಾಗುತ್ತಾರೆ . ಇದರ ಜೊತೆಗೆ ಆಡಳಿತ ಅಧಿಕಾರಿ , ಹಣಕಾಸು ಅಧಿಕಾರಿಗಳು ಇಲ್ಲಿಗೆ ಬರುತ್ತಾರೆ .
ಒಂದು ಕೊಠಡಿಯಿಂದ ಇನ್ನೊಂದು ಕೊಠಡಿ ಗೆ ಕರೆದು ಕೊಂಡು ಹೋಗುವಾಗ ಅಂಬ್ಯುಲೆನ್ಸ್ ನಲ್ಲಿ ತುಂಬಲಾಗುತ್ತದೆ ಎಂದು ರೋಗಿಗಳು ತಮ್ಮ ಅಳಲನ್ನು ಇತ್ತೀಚಿಗೆ ವ್ಯಕ್ತ ಪಡಿಸಿದ್ದರು . ಹೀಗಾಗಿ ಅಂಬ್ಯುಲೆನ್ಸ್ ಬಗ್ಗಿ ಗೆ ಬೇಡಿಕೆ ಇತ್ತು . ಬಗ್ಗಿ ಯಲ್ಲಿ ಬೇಕಾದ ಒಕ್ಸಿಜೆನ್ , ತುರ್ತಾಗಿ ಬೇಕಾದ ಔಷಧಿಗಳು , ಸುಲಭವಾಗಿ ರೋಗಿಗಳಿಗೆ ಇಳಿಯಬಹುದು ಮತ್ತು ಹತ್ತ ಬಹುದಾದ ವ್ಯವಸ್ಥೆ ಇದೆ .
ಸುಮಾರು ೭ ಲಕ್ಷ ರೂಪಾಯಿ ಶಾಸಕ ಪ್ರದೇಶ ಅಭಿವ್ರಿದ್ದಿ ನಿಧಿಯಿಂದ ಒಂದು ಅಂಬ್ಯುಲೆನ್ಸ್ ಬಗ್ಗಿಯನ್ನು ಖರೀದಿ ಮಾಡಲಾಗಿದೆ . ಇದರ ಅವಶ್ಯಕತೆಗಳು ಇನ್ನಷ್ಟು ಪ್ರಮಾಣದಲ್ಲಿ ಹೆಚ್ಚಾದರೆ ಇನ್ನೊಂದು ಬಗ್ಗಿಯನ್ನು ಖರೀದಿಸುವ ಭರವಸೆಯನ್ನು ಅವರು ನೀಡಿದರು .
