ಮಂಜೇಶ್ವರ: – ಮಂಜೇಶ್ವರ ಗ್ರಾಮ ಪಂಚಾಯತ್ ವತಿಯಿಂದ ಏರ್ಪಡಿಸಲಾದ “ಕೇರಳೋತ್ಸವ – 2025” ಕಾರ್ಯಕ್ರಮವು ಭಾರೀ ಉತ್ಸಾಹ ಹಾಗೂ ಸಂಸ್ಕೃತಿಯ ಜಾತ್ರೆಯಂತೆ ವಿಜೃಂಭಣೆಯಿಂದ ನೆರವೇರಿತು. ಈ ಉತ್ಸವವು ಕ್ರೀಡೆ, ಸಂಸ್ಕೃತಿ ಮತ್ತು ಸಮುದಾಯ ಸಾಂಘಿಕತೆಯ ಸಮನ್ವಯದಿಂದ ಗಮನ ಸೆಳೆದಿತು.ಕಾರ್ಯಕ್ರಮವನ್ನು ಗ್ರಾಮ ಪಂಚಾಯತ್ ಅಧ್ಯಕ್ಷೆ ಜೀನ್ ಲವಿನಾ ಮೊಂತೇರೋ ಅವರು ಉದ್ಘಾಟಿಸಿದರು. ಅವರು ತಮ್ಮ ಭಾಷಣದಲ್ಲಿ ಕೇರಳೋತ್ಸವದ ಮಹತ್ವವನ್ನು ವಿವರಿಸಿ, “ಈ ಉತ್ಸವವು ನಮ್ಮ ನಾಡು-ನೂತನತೆಗೆ ಕಿರುಚಿತ್ರವಾಗಿದೆ. ಕ್ರೀಡೆ, ಕಲೆ ಮತ್ತು ಜನಸಾಮಾನ್ಯರ ಭಾಗವಹಿಸುವಿಕೆಯಿಂದ ಗ್ರಾಮೀಣ ಪ್ರದೇಶದ ಸಮಗ್ರ ಅಭಿವೃದ್ಧಿಗೆ ಇದು ಪೂರಕವಾಗಿದೆ” ಎಂದು ಹೇಳಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಉಪಾಧ್ಯಕ್ಷ ಮೊಹಮ್ಮದ್ ಸಿದ್ದೀಖ್ ವಹಿಸಿದ್ದರು. ಈ ಸಂದರ್ಭದಲ್ಲಿ ಪಂಚಾಯತ್ ಸದಸ್ಯರುಗಳು, ವಿವಿಧ ರಾಜಕೀಯ ಪಕ್ಷಗಳ ಹಾಗೂ ಸ್ಥಳೀಯ ಸಂಘಟನೆಗಳ ಪ್ರಮುಖರು, ಹಿರಿಯ ನಾಗರಿಕರು, ಶಾಲಾ ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರು ಉಪಸ್ಥಿತರಿದ್ದರು.ಕೇರಳೋತ್ಸವದ ಅಂಗವಾಗಿ ವಿವಿಧ ಕ್ರೀಡಾ ಸ್ಪರ್ಧೆಗಳು ನಡೆಯಿತು. ಮುಖ್ಯವಾಗಿ ಕ್ರಿಕೆಟ್ ಟೂರ್ನಮೆಂಟ್– ಪ್ರಾದೇಶಿಕ ತಂಡಗಳ ನಡುವೆ ಕಠಿಣ ಪೈಪೋಟಿ ನಡೆಯಿತು. ಯುವಕರ ಉತ್ಸಾಹದ ನೋಟ ಎಲ್ಲರನ್ನೂ ಆಕರ್ಷಿಸಿತು.ಫುಟ್ಬಾಲ್ ಪಂದ್ಯಗಳು ಸ್ಥಳೀಯ ಮಟ್ಟದ ಪ್ರತಿಭೆಗಳನ್ನು ಗುರುತಿಸುವ ಪೂರಕ ವೇದಿಕೆಯಾಗಿ ಪರಿಣಮಿಸಿತು.ವಾಲಿಬಾಲ್ ಪಂದ್ಯಗಳು – ಯುವಕರ ಜೊತೆಗೆ ಮಹಿಳಾ ತಂಡಗಳ ಪಾಲ್ಗೊಳ್ಳುವಿಕೆ ಗಮನಾರ್ಹವಾಗಿತ್ತು.ಈ ಎಲ್ಲಾ ಕ್ರೀಡಾ ಕಾರ್ಯಕ್ರಮಗಳು ಸಮುದಾಯದ ಒಗ್ಗಟ್ಟನ್ನು ಹೆಚ್ಚು ಗಟ್ಟಿಗೊಳಿಸಿದವು.
ಸಂಜೆಯ ವೇದಿಕೆಯಲ್ಲಿ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಿದವು. ಮದರಂಗಿ, ಚಿತ್ರರಚನೆ, ಕವಿತೆ ಬರೆಯುವುದು, ಚೆಸ್ ಆಟ ಸೇರಿದಂತೆ ವಿವಿಧ ಸ್ಪರ್ಧೆಗಳು ನಡೆಯಿತು.ಮುಂದಿನ ಒಂದು ವಾರಗಳಲ್ಲಾಗಿ ವೇದಿಕೆಯಲ್ಲಿ ಭರತನಾಟ್ಯ, ಮೊಹಿನಿಯಾಟಂ, ಮತ್ತು ಯಕ್ಷಗಾನ ಪ್ರದರ್ಶನಗಳು, ವಿವಿಧ ಶಾಲಾ ಮಕ್ಕಳ ಹಾಗೂ ಸ್ಥಳೀಯ ಕಲಾವಿದರಿಂದ ಗೀತೆಗಳು ಮತ್ತು ನೃತ್ಯ ಸ್ಪರ್ಧೆಗಳು, ಎಲ್ಲಾ ವಯೋಮಾನದವರಿಂದ ಸಾಕಷ್ಟು ಸ್ಪರ್ಧಾತ್ಮಕತೆಯೊಂದಿಗೆ. ನಾಟಕ ಮತ್ತು ನುಡಿನಟನೆಗಳು – ಗ್ರಾಮೀಣ ಜೀವನದ ಚಿತ್ರೀಕರಣದ ಮೂಲಕ ಸಾಮಾಜಿಕ ಸಂದೇಶಗಳ ಪ್ರಸ್ತುತಿಗೆ ವೇದಿಕೆಯಾಗಲಿದೆ.
ಕೇರಳೋತ್ಸವ 2025 ಕಾರ್ಯಕ್ರಮವು ಮಂಜೇಶ್ವರ ಗ್ರಾಮದ ಸಾಂಸ್ಕೃತಿಕ ಜಾಗೃತಿಗೆ ದಾರಿ ಹೊರೆಯಿತು. ಕ್ರೀಡೆ ಮತ್ತು ಕಲೆಗಳ ಮೂಲಕ ಜನತೆಗೆ ಒಗ್ಗಟ್ಟಿನ ಸಂದೇಶವನ್ನು ನೀಡುವಲ್ಲಿ ಈ ಉತ್ಸವ ಯಶಸ್ವಿಯಾಗಿತ್ತು. ಗ್ರಾಮ ಪಂಚಾಯತ್ ಹಾಗೂ ಸ್ಥಳೀಯ ಸಮುದಾಯದ ಶ್ರಮದ ಫಲವಾಗಿ ಈ ಕಾರ್ಯಕ್ರಮ ಅತ್ಯಂತ ಸಫಲವಾಯಿತು
