ಗಲ್ಫ್ ಎಜುಕೇಶನ್ ನಿಯತಕಾಲಿಕೆ ಬಿಡುಗಡೆ: ಐದು ಪ್ರಕಟಣೆಗಳೊಂದಿಗೆ ತುಂಬೆ ಮೀಡಿಯಾ ವಿಸ್ತರಣೆ

ದುಬೈ: ತುಂಬೆ ಗ್ರೂಪ್‌ನ ಮಾಧ್ಯಮ ಮತ್ತು ಪ್ರಕಾಶನ ವಿಭಾಗವಾದ ತುಂಬೆ ಮೀಡಿಯಾ, ಗಲ್ಫ್ ಪ್ರದೇಶದ ಶಿಕ್ಷಣ ಕ್ಷೇತ್ರದ ಬೆಳವಣಿಗೆಗಳನ್ನು ಒಳಗೊಂಡ ‘ಗಲ್ಫ್ ಎಜುಕೇಶನ್’ ಎಂಬ ಹೊಸ ಮುದ್ರಣ ಹಾಗೂ ಡಿಜಿಟಲ್ ನಿಯತಕಾಲಿಕವನ್ನು ಬಿಡುಗಡೆ ಮಾಡಿದೆ.

ಈ ಹೊಸ ನಿಯತಕಾಲಿಕೆಯೊಂದಿಗೆ ತುಂಬೆ ಮೀಡಿಯಾದ ಪ್ರಕಾಶನ ಪೋರ್ಟ್ಫೋಲಿಯೊ ಐದು ಶೀರ್ಷಿಕೆಗಳಿಗೆ ವಿಸ್ತರಿಸಿದೆ. ಆರೋಗ್ಯ, ಶಿಕ್ಷಣ, ಜೀವನಶೈಲಿ, ಸಾಕುಪ್ರಾಣಿಗಳ ಆರೈಕೆ, ಪಶುವೈದ್ಯಕೀಯ ಸೇವೆ, ಪಾಕಶಾಸ್ತ್ರ ಮತ್ತು ಆತಿಥ್ಯ ಕ್ಷೇತ್ರಗಳನ್ನು ಒಳಗೊಂಡ ವೈವಿಧ್ಯಮಯ ಮಾಧ್ಯಮ ವೇದಿಕೆಯನ್ನು ಸಂಸ್ಥೆ ನಿರ್ಮಿಸುತ್ತಿದೆ.

ಗಲ್ಫ್ ಪ್ರದೇಶದ ಶಿಕ್ಷಣ ಕ್ಷೇತ್ರವು ತಂತ್ರಜ್ಞಾನ, ಕೃತಕ ಬುದ್ಧಿಮತ್ತೆ, ಆಧುನಿಕ ಕಲಿಕಾ ವಿಧಾನಗಳು, ಬದಲಾಗುತ್ತಿರುವ ಉದ್ಯೋಗ ಕೌಶಲ್ಯಗಳ ಅಗತ್ಯತೆ ಹಾಗೂ ಶಿಕ್ಷಣ ಮೂಲಸೌಕರ್ಯದಲ್ಲಿನ ಹೆಚ್ಚುತ್ತಿರುವ ಹೂಡಿಕೆಗಳಿಂದ ವೇಗವಾಗಿ ಪರಿವರ್ತನೆಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ‘ಗಲ್ಫ್ ಎಜುಕೇಶನ್’ ಆರಂಭಿಸಲಾಗಿದೆ

ಶಿಕ್ಷಣ ಕ್ಷೇತ್ರಕ್ಕೆ ಹೊಸ ವೇದಿಕೆ

‘ಗಲ್ಫ್ ಎಜುಕೇಶನ್’ ಶಾಲೆಗಳು, ವಿಶ್ವವಿದ್ಯಾಲಯಗಳು, ನರ್ಸರಿಗಳು, ಶಿಕ್ಷಕರು, ವಿದ್ಯಾರ್ಥಿಗಳು, ಪೋಷಕರು, ಶಿಕ್ಷಣ ತಜ್ಞರು ಹಾಗೂ ನೀತಿ ನಿರೂಪಕರನ್ನು ಸಂಪರ್ಕಿಸುವ ವೇದಿಕೆಯಾಗಿ ಕಾರ್ಯನಿರ್ವಹಿಸಲಿದೆ. ತರಗತಿ ಬೋಧನೆಯಲ್ಲಿನ ನವೀನತೆ, ಭವಿಷ್ಯದ ಕೌಶಲ್ಯಗಳು, ಉನ್ನತ ಶಿಕ್ಷಣ, ತಂತ್ರಜ್ಞಾನ, ವಿದ್ಯಾರ್ಥಿ ಜೀವನ ಹಾಗೂ ಜಾಗತಿಕ ಶಿಕ್ಷಣ ಕ್ಷೇತ್ರದ ಬೆಳವಣಿಗೆಗಳ ಕುರಿತು ವರದಿಗಳು ಮತ್ತು ವಿಶ್ಲೇಷಣೆಗಳನ್ನು ಪ್ರಕಟಿಸಲಿದೆ.

ತುಂಬೆ ಗ್ರೂಪ್‌ನ ಸಂಸ್ಥಾಪಕ ಹಾಗೂ ಅಧ್ಯಕ್ಷ ಡಾ. ತುಂಬೆ ಮೊಯ್ದೀನ್ ಮಾತನಾಡಿ, ಗಲ್ಫ್ ಪ್ರದೇಶದ ಶಿಕ್ಷಣ ಕ್ಷೇತ್ರವು ವಿಶ್ವದ ಅತ್ಯಂತ ಕ್ರಿಯಾಶೀಲ ಮತ್ತು ಮಹತ್ವಾಕಾಂಕ್ಷೆಯ ಕ್ಷೇತ್ರಗಳಲ್ಲಿ ಒಂದಾಗಿದೆ. ಶಿಕ್ಷಣ ಕ್ಷೇತ್ರವನ್ನು ರೂಪಿಸುತ್ತಿರುವ ವಿಚಾರಗಳು, ಬೆಳವಣಿಗೆಗಳು ಮತ್ತು ಸಾಧನೆಗಳನ್ನು ಒಂದೇ ವೇದಿಕೆಯಲ್ಲಿ ಪರಿಚಯಿಸುವ ಅಗತ್ಯವಿದ್ದು, ಈ ಉದ್ದೇಶದಿಂದ ‘ಗಲ್ಫ್ ಎಜುಕೇಶನ್’ ಆರಂಭಿಸಲಾಗಿದೆ ಎಂದು ಹೇಳಿದರು.

ಶಿಕ್ಷಕರು, ವಿದ್ಯಾರ್ಥಿಗಳು, ಪೋಷಕರು ಮತ್ತು ಶಿಕ್ಷಣ ಸಂಸ್ಥೆಗಳಿಗೆ ಉಪಯುಕ್ತವಾಗುವಂತೆ ಮಾಹಿತಿ ಪ್ರಧಾನ ಹಾಗೂ ಭವಿಷ್ಯದ ದೃಷ್ಟಿಕೋನ ಹೊಂದಿರುವ ವೇದಿಕೆಯನ್ನು ರೂಪಿಸುವುದು ಇದರ ಉದ್ದೇಶವಾಗಿದೆ. ಒಂದೇ ಆರೋಗ್ಯ ನಿಯತಕಾಲಿಕೆಯಿಂದ ಆರಂಭವಾದ ತುಂಬೆ ಮೀಡಿಯಾ ಇದೀಗ ವೇಗವಾಗಿ ವಿಸ್ತರಿಸುತ್ತಿರುವ ಮಾಧ್ಯಮ ಸಂಸ್ಥೆಯಾಗಿ ಬೆಳೆಯುತ್ತಿದೆ ಎಂದು ಅವರು ತಿಳಿಸಿದರು.

ಐದು ಪ್ರಕಟಣೆಗಳ ಪೋರ್ಟ್ಫೋಲಿಯೊ

‘ಗಲ್ಫ್ ಎಜುಕೇಶನ್’ ಸೇರ್ಪಡೆಯೊಂದಿಗೆ ತುಂಬೆ ಮೀಡಿಯಾದ ಪೋರ್ಟ್ಫೋಲಿಯೊ ಐದು ಪ್ರಮುಖ ಪ್ರಕಟಣೆಗಳನ್ನು ಒಳಗೊಂಡಿದೆ.

ಹೆಲ್ತ್ ಮ್ಯಾಗಜಿನ್: ಎರಡು ದಶಕಗಳಿಗೂ ಹೆಚ್ಚು ಕಾಲ ಪ್ರಕಟವಾಗುತ್ತಿರುವ ಯುಎಇಯ ಪ್ರಮುಖ ಆರೋಗ್ಯ ನಿಯತಕಾಲಿಕೆ.

ಲಿವಿಂಗ್ ಗಲ್ಫ್: ಗಲ್ಫ್‌ನ ಜನರು, ಸಂಸ್ಕೃತಿ, ಉದ್ಯಮ, ಅನುಭವಗಳು ಮತ್ತು ಜೀವನಶೈಲಿಯನ್ನು ಒಳಗೊಂಡ ಪ್ರೀಮಿಯಂ ನಿಯತಕಾಲಿಕೆ.

ಗಲ್ಫ್ ಎಜುಕೇಶನ್: ಶಾಲೆಗಳು, ವಿಶ್ವವಿದ್ಯಾಲಯಗಳು, ಶಿಕ್ಷಕರು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಣದ ಭವಿಷ್ಯದ ಕುರಿತು ಕೇಂದ್ರೀಕರಿಸಿದ ಹೊಸ ಪ್ರಕಟಣೆ.

ಗಲ್ಫ್ ಪೆಟ್ಸ್ & ವೆಟ್ಸ್: ಪಶುವೈದ್ಯಕೀಯ, ಪ್ರಾಣಿಗಳ ಆರೋಗ್ಯ, ಸಾಕುಪ್ರಾಣಿಗಳ ಆರೈಕೆ ಹಾಗೂ ಬೆಳೆಯುತ್ತಿರುವ ಸಾಕುಪ್ರಾಣಿ ಸಮುದಾಯವನ್ನು ಕೇಂದ್ರೀಕರಿಸುವ ಮುಂಬರುವ ಪ್ರಕಟಣೆ.

ಗಲ್ಫ್ ಕ್ಯುಲಿನರಿ & ಹಾಸ್ಪಿಟಾಲಿಟಿ: ಆಹಾರ, ಪಾಕಶಾಸ್ತ್ರ, ರೆಸ್ಟೋರೆಂಟ್‌ಗಳು, ಹೋಟೆಲ್‌ಗಳು ಮತ್ತು ಆತಿಥ್ಯ ಕ್ಷೇತ್ರದ ಕುರಿತು ಕೇಂದ್ರೀಕರಿಸುವ ಮುಂಬರುವ ನಿಯತಕಾಲಿಕೆ.

ಇತ್ತೀಚೆಗೆ ‘ಲಿವಿಂಗ್ ಗಲ್ಫ್’ ಪರಿಚಯಿಸಲಾಗಿದ್ದು, ‘ಗಲ್ಫ್ ಪೆಟ್ಸ್ & ವೆಟ್ಸ್’ ಮತ್ತು ‘ಗಲ್ಫ್ ಕ್ಯುಲಿನರಿ & ಹಾಸ್ಪಿಟಾಲಿಟಿ’ ಶೀಘ್ರದಲ್ಲೇ ಪೋರ್ಟ್ಫೋಲಿಯೊಗೆ ಸೇರ್ಪಡೆಯಾಗಲಿವೆ.

ಐದು ವಿಭಾಗಗಳಲ್ಲಿ ಶಿಕ್ಷಣದ ಸಮಗ್ರ ಚಿತ್ರಣ

‘ಗಲ್ಫ್ ಎಜುಕೇಶನ್’ನಲ್ಲಿ ಕ್ಲಾಸ್‌ರೂಮ್, ಹೋಮ್, ಫ್ಯೂಚರ್, ಕ್ಯಾಂಪಸ್ ಮತ್ತು ವರ್ಲ್ಡ್ ಎಂಬ ಐದು ಪ್ರಮುಖ ವಿಭಾಗಗಳಿರಲಿವೆ.

‘ಕ್ಲಾಸ್‌ರೂಮ್’ ವಿಭಾಗದಲ್ಲಿ ಬೋಧನೆ ಮತ್ತು ಕಲಿಕೆಯ ಹೊಸ ವಿಧಾನಗಳು, ‘ಹೋಮ್’ನಲ್ಲಿ ಕುಟುಂಬ, ಪೋಷಕತ್ವ ಮತ್ತು ವಿದ್ಯಾರ್ಥಿಗಳ ಕ್ಷೇಮಾಭಿವೃದ್ಧಿ, ‘ಫ್ಯೂಚರ್’ನಲ್ಲಿ 2030 ಮತ್ತು ನಂತರದ ಕೌಶಲ್ಯಗಳು ಹಾಗೂ ವೃತ್ತಿ ಅವಕಾಶಗಳು, ‘ಕ್ಯಾಂಪಸ್’ನಲ್ಲಿ ವಿಶ್ವವಿದ್ಯಾಲಯ ಮತ್ತು ಉನ್ನತ ಶಿಕ್ಷಣದ ಬೆಳವಣಿಗೆಗಳು ಹಾಗೂ ‘ವರ್ಲ್ಡ್’ನಲ್ಲಿ ಜಾಗತಿಕ ಶಿಕ್ಷಣ ಕ್ಷೇತ್ರದ ಬೆಳವಣಿಗೆಗಳನ್ನು ಗಲ್ಫ್ ಪ್ರದೇಶದ ದೃಷ್ಟಿಕೋನದಲ್ಲಿ ಪರಿಚಯಿಸಲಾಗುತ್ತದೆ.

ನಿಯತಕಾಲಿಕವು ಮುದ್ರಣ ಮತ್ತು ಡಿಜಿಟಲ್ ರೂಪದಲ್ಲಿ ಲಭ್ಯವಿದ್ದು, ವೆಬ್‌ಸೈಟ್ ಹಾಗೂ ಸಾಮಾಜಿಕ ಜಾಲತಾಣಗಳ ಮೂಲಕವೂ ಶಿಕ್ಷಣ ಕ್ಷೇತ್ರದ ಮಾಹಿತಿಯನ್ನು ಗಲ್ಫ್ ಪ್ರದೇಶದಾದ್ಯಂತ ತಲುಪಿಸಲಿದೆ.

ಮಾಧ್ಯಮ ಸೇವೆಗಳ ವಿಸ್ತರಣೆ

ತುಂಬೆ ಮೀಡಿಯಾ ನಿಯತಕಾಲಿಕೆ ಪ್ರಕಟಣೆಯ ಜೊತೆಗೆ ಬ್ರ್ಯಾಂಡಿಂಗ್, ಇಮೇಜ್ ಪ್ರಚಾರ, ಸಾರ್ವಜನಿಕ ಸಂಪರ್ಕ, ಸಾಮಾಜಿಕ ಜಾಲತಾಣ ತಂತ್ರ, ಕಾರ್ಯಕ್ರಮಗಳ ಆಯೋಜನೆ, ಪದವಿ ಪ್ರದಾನ ಸಮಾರಂಭಗಳು ಹಾಗೂ ಪ್ರಶಸ್ತಿ ಕಾರ್ಯಕ್ರಮ ಸೇರಿದಂತೆ ವಿವಿಧ ಮಾಧ್ಯಮ ಮತ್ತು ಪ್ರಚಾರ ಸೇವೆಗಳನ್ನು ಒದಗಿಸುತ್ತಿದೆ.

ಗಲ್ಫ್ ಎಜುಕೇಶನ್ ಸೇರಿದಂತೆ ಹೊಸ ಪ್ರಕಟಣೆಗಳ ಮೂಲಕ ಗಲ್ಫ್ ಪ್ರದೇಶದ ವಿವಿಧ ಸಂಸ್ಥೆಗಳು, ಶಿಕ್ಷಣ ಕ್ಷೇತ್ರಗಳು ಮತ್ತು ಸಮುದಾಯಗಳಿಗೆ ತಮ್ಮ ಸಾಧನೆಗಳು, ಚಟುವಟಿಕೆಗಳು ಹಾಗೂ ವಿಚಾರಗಳನ್ನು ಪರಿಚಯಿಸಲು ವಿಶೇಷ ವೇದಿಕೆ ಕಲ್ಪಿಸುವ ಉದ್ದೇಶವನ್ನು ತುಂಬೆ ಮೀಡಿಯಾ ಹೊಂದಿದೆ.