ಕೊಚ್ಚಿ: ನಟ ಟಿನಿ ಟೋಂ ವಿರುದ್ಧ ನಟಿ ಅನ್ಸಿಬ ನೀಡಿರುವ ದೂರಿನ ಆಧಾರದ ಮೇಲೆ ದಾಖಲಾದ ಎಫ್ಐಆರ್ನ ವಿವರಗಳು ಬಹಿರಂಗವಾಗಿವೆ. ಅನ್ಸಿಬ ಅವರನ್ನು ‘ಜಿಹಾದಿ’ ಹಾಗೂ ‘ಧಾರ್ಮಿಕ ಉಗ್ರವಾದಿ’ ಎಂದು ಬಿಂಬಿಸಲು ಟಿನಿ ಟೋಂ ಪ್ರಯತ್ನಿಸಿದ್ದಾರೆ ಎಂದು ಎಫ್ಐಆರ್ನಲ್ಲಿ ಆರೋಪಿಸಲಾಗಿದೆ.
ಇದರ ಜೊತೆಗೆ, ಸಾರ್ವಜನಿಕವಾಗಿ ಅಶ್ಲೀಲ ಹಾಗೂ ಲೈಂಗಿಕ ಸ್ವರೂಪದ ಹೇಳಿಕೆಗಳನ್ನು ನೀಡಿದ್ದಾರೆ ಎಂಬ ಆರೋಪವೂ ದಾಖಲಾಗಿದೆ. ಕಳೆದ ಫೆಬ್ರವರಿಯಲ್ಲಿ ನಡೆದ ‘ಅಮ್ಮ’ (AMMA) ಕಾರ್ಯಕ್ರಮದ ರಿಹರ್ಸಲ್ ವೇಳೆ ಈ ಹೇಳಿಕೆಗಳನ್ನು ನೀಡಲಾಗಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
ಪ್ರಕರಣ ದಾಖಲಿಸಿರುವ ಕಡವಂತ್ರ ಪೊಲೀಸ್ ಠಾಣೆ ಶೀಘ್ರದಲ್ಲೇ ಟಿನಿ ಟೋಂ ಅವರನ್ನು ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್ ನೀಡಲಿದೆ.
ಇದೇ ವೇಳೆ, ನಟಿಯರಾದ ಲಕ್ಷ್ಮಿ ಪ್ರಿಯಾ ಮತ್ತು ಶ್ವೇತಾ ಮೆನನ್ ವಿರುದ್ಧ ಪಾಲಾರಿವಟ್ಟಂ ಪೊಲೀಸ್ ಠಾಣೆಯಲ್ಲಿ ನೀಡಿದ್ದ ದೂರಿನ ಕುರಿತು ಕ್ರಮ ಕೈಗೊಳ್ಳದ ಹಿನ್ನೆಲೆಯಲ್ಲಿ ಅನ್ಸಿಬ ನ್ಯಾಯಾಲಯದ ಮೊರೆ ಹೋಗಿದ್ದಾರೆ.
ಈ ಸಂಬಂಧ ಎರ್ನಾಕುಳಂ ನ್ಯಾಯಾಂಗ ಪ್ರಥಮ ದರ್ಜೆ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಪಾಲಾರಿವಟ್ಟಂ ಠಾಣೆಯ ಎಸ್ಎಚ್ಒಗೆ 9ನೇ ತಾರೀಖಿನೊಳಗೆ ವರದಿ ಸಲ್ಲಿಸುವಂತೆ ಸೂಚಿಸಿದೆ
