ಸಾನಿಧ್ಯ ವಸತಿ ಶಾಲೆಯಲ್ಲಿ ಈಜು ತರಬೇತಿ ಆರಂಭ……!

ಮಂಗಳೂರು:* ಜಲಚಿಕಿತ್ಸೆಯ (Aquatic Therapy) ಭಾಗವಾಗಿ ನಗರದ ಸಾನಿಧ್ಯ ವಸತಿ ಶಾಲೆಯಲ್ಲಿ ಮಕ್ಕಳಿಗೆ ಈಜು ತರಬೇತಿಯನ್ನು ಪ್ರಾರಂಭಿಸಲಾಗಿದೆ.

ತರಬೇತಿಯ ಅಂಗವಾಗಿ ಮಕ್ಕಳು ಈಜುಕೊಳದಲ್ಲಿ ತರಬೇತುದಾರರ ಮಾರ್ಗದರ್ಶನದಂತೆ ಉತ್ಸಾಹದಿಂದ ಈಜುವ ಮೂಲಕ ತರಬೇತಿಯಲ್ಲಿ ಸಕ್ರಿಯರಾದರು. ಮಕ್ಕಳ ದೈಹಿಕ ಚಟುವಟಿಕೆ ಹಾಗೂ ಜಲಚಿಕಿತ್ಸೆಗೆ ಪೂರಕವಾಗುವ ನಿಟ್ಟಿನಲ್ಲಿ ಈ ತರಬೇತಿಯನ್ನು ಆಯೋಜಿಸಲಾಗಿದೆ.

ತರಬೇತುದಾರರಾದ ಜುವೆಲ್ ಹಾಗೂ ಲಕ್ಷ್ಮೀ ಅವರು ಮಕ್ಕಳಿಗೆ ಈಜು ತರಬೇತಿ ನೀಡಿದರು. ಸೇಂಟ್ ಅಲೋಶಿಯಸ್ ಕಾಲೇಜಿನ ಈಜುಕೊಳದ ಮುಖ್ಯಸ್ಥ ನವೀನ್ ಅವರ ಸಹಕಾರದಿಂದ ತರಬೇತುದಾರರ ವ್ಯವಸ್ಥೆ ಮಾಡಲಾಗಿತ್ತು.