
ಕಾಸರಗೋಡು : ಬಾನುವಾರ ರಾತ್ರಿ ಕಾಟಿಪಳ್ಳ ಮೈದಾನದ ಬಳಿ ಸ್ಕೂಟರ್ನಿಂದ ಬಿದ್ದಂತೆ ಕಂಡ ಹೈದರಾಲಿ ಅವರನ್ನು ಸ್ಥಳೀಯರು ಚರ್ಕಳದ ಖಾಸಗಿ ಆಸ್ಪತ್ರೆಗೆ ಕೊಂಡೊಯ್ದಿದ್ದರು.

ಅಷ್ಟರಲ್ಲಾಗಲೇ ಅವರು ಮೃತಪಟ್ಟಿರುವುದಾಗಿ ತಿಳಿದುಬಂದಿದೆ. ಅವರು ಬಿದ್ದಿದ್ದ ಸ್ಥಳದಿಂದಲೇ ರಿವಾಲ್ವರ್ ಪತ್ತೆಯಾಗಿದ್ದು, ಗುಂಡು ಸಿಡಿಯಲ್ಪಟ್ಟು ಸಾವು ಸಂಭವಿಸಿರಬೇಕೆಂದು ಶಂಕೆ ವ್ಯಕ್ತವಾಗಿದೆ.

ಆದರೂ, ಪೊಲೀಸರು ಪ್ರಕರಣ ದಾಖಲಿಸಿದ್ದು, ಮರಣೋತ್ತರ ಪರೀಕ್ಷಾ ವರದಿ ಲಭಿಸಿದ ಬಳಿಕವೇ ಸಾವಿನ ಕಾರಣ ಸ್ಪಷ್ಟವಾಗಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ವಿದೇಶದಲ್ಲಿದ್ದ ಇವರು ಮೂರು ತಿಂಗಳ ಹಿಂದೆಯಷ್ಟೇ ಊರಿಗೆ ಮರಳಿದ್ದರು. ಮೃತರು ಅವಿವಾಹಿತರಾಗಿದ್ದಾರೆ.


