ಪಾವೂರು :ಸ್ವಾತಂತ್ರ್ಯ ದಿವಸ ಮುಡಿಮಾರು ಬಸ್ಟ್ಯಾಂಡಿನಿಂದ ಮುಡಿಮಾರು ಮಲರಾಯ ಕ್ಷೇತ್ರದವರೆಗೆ ರಸ್ತೆಯನ್ನು ಮುಡಿಮಾರಿನ ಯುವಕರು ಶ್ರಮದಾನದ ಮೂಲಕ ದುರಸ್ಥಿಗೊಳಿಸಿದರು. ರಸ್ತೆಯಲ್ಲಿ ವಾಹನಗಳು ಬಿಡಿ ಶಾಲಾ-ಕಾಲೇಜು ಕೆಲಸಕ್ಕೆ ಹೋಗುವ ಮಹಿಳೆಯರು ದಿನ ನಿತ್ಯ ಆ ರಸ್ತೆಯಲ್ಲಿ ನಡೆದುಕೊಂಡು ಹೋಗುವುದಕ್ಕೂ ಪರದಾಡುತ್ತಿದ್ದರು.ಇಂಥ ದುಸ್ಥಿತಿಗೆ ತಲುಪಿರುವ ರಸ್ತೆಯನ್ನು ಮುಡಿಮಾರಿನ ಯುವಕರು ರಸ್ತೆಯ ಬದಿಯಲ್ಲಿರುವ ಮರದ ಕೊಂಬೆಗಳನ್ನು ಕಡಿದು ರಸ್ತೆಯಲ್ಲಿರುವ ಹೊಂಡಗಳನ್ನು ಕಲ್ಲುಗಳಿಂದ ಮುಚ್ಚಿ ರಸ್ತೆಯನ್ನು ದುರಸ್ಥಿಗೊಳಿಸಿದರು.
