ಕಾಸರಗೋಡು: ಜಿಲ್ಲೆಯ ಕರಿವೆಳ್ಳೂರಿನಲ್ಲಿ ವಿವಾಹ ವಿಚ್ಛೇದನ ಪ್ರಕರಣದ ದ್ವೇಷದಿಂದ ಪತ್ನಿ ಹಾಗೂ ಅತ್ತೆಯ ಮೇಲೆ ಪೆಟ್ರೋಲ್ ಸುಟ್ಟು ಕೊಲೆಗೆ ಯತ್ನಿಸಿದ ಆಟೋ ಚಾಲಕ ಸಿ.ವಿ. ಸನಲ್ ಕುಮಾರ್ (46) ತಾನೇ ಬೆಂಕಿ ತಗುಲಿ ಸಾವನ್ನಪ್ಪಿದ್ದಾನೆ.
ದಾಂಪತ್ಯ ಕಲಹದಿಂದ ಪತ್ನಿ ಪ್ರಜೀಶಾ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು. ಈ ಹಗೆತನದಿಂದ ಕಳೆದ ಭಾನುವಾರ ಕರಿವೆಳ್ಳೂರಿನ ಪತ್ನಿಯ ಮನೆಗೆ ನುಗ್ಗಿದ ಸನಲ್ ಕುಮಾರ್, ಪ್ರಜೀಶಾ ಹಾಗೂ ಆಕೆಯ ತಾಯಿ ಪದ್ಮಿನಿ (56) ಮೇಲ್ಮೈಗೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಲು ಮುಂದಾಗಿದ್ದಾರೆ. ಈ ವೇಳೆ ಆಕಸ್ಮಿಕವಾಗಿ ಸ್ವತಃ ಸನಲ್ ಕುಮಾರ್ಗೂ ಬೆಂಕಿ ತಗುಲಿ ಗಂಭೀರ ಸುಟ್ಟ ಗಾಯಗಳಾಗಿವೆ.
ಕೂಡಲೇ ಗಾಯಾಳುಗಳನ್ನು ಕಣ್ಣೂರು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ಫಲಕಾರಿಯಾಗದೆ ಸನಲ್ ಕುಮಾರ್ ಕೊನೆಯಸಿರೆಳೆದಿದ್ದಾರೆ.
ಗಂಭೀರವಾಗಿ ಗಾಯಗೊಂಡಿರುವ ಪತ್ನಿ ಹಾಗೂ ಅತ್ತೆ ಪ್ರಾಣಾಪಾಯದಿಂದ ಪಾರಾಗಲು ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
