ಮಂಗಳೂರು:ಪಿಲಿಕುಳ ಗಾಲ್ಫ್ ಕ್ಲಬ್ (PGC) ವತಿಯಿಂದ ಪ್ರಥಮ ದಕ್ಷಿಣ ವಲಯ ಗಾಲ್ಫ್ ಚಾಂಪಿಯನ್‌ಶಿಪ್ ಅ.16 ಮತ್ತು 17ರಂದು ಪಿಲಿಕುಳದಲ್ಲಿ ನಡೆಯಲಿದೆ. ದಕ್ಷಿಣ ಭಾರತದ ವಿವಿಧ ಭಾಗಗಳಿಂದ ಪ್ರತಿಭಾವಂತ ಕಿರಿಯ ಹಾಗೂ ಸ್ಪರ್ಧಾತ್ಮಕ ಹವ್ಯಾಸಿ ಗಾಲ್ಫ್ ಆಟಗಾರರು 36-ಹೋಲ್ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಲಿದ್ದಾರೆ.
ಇಂಡಿಯನ್ ಗಾಲ್ಫ್ ಯೂನಿಯನ್ (IGU) ಮಾರ್ಗಸೂಚಿ ಹಾಗೂ ಉದ್ದೇಶಗಳಿಗೆ ಅನುಗುಣವಾಗಿ ಆಯೋಜಿಸಲಾಗುತ್ತಿರುವ ಪಂದ್ಯಾವಳಿಯಲ್ಲಿ ವಿವಿಧ ವಯೋಮಾನದ ಕಿರಿಯ ಆಟಗಾರರ ವಿಭಾಗಗಳೊಂದಿಗೆ ಪ್ರತ್ಯೇಕ ಹವ್ಯಾಸಿ ವಿಭಾಗವೂ ಇರಲಿದೆ. ದಕ್ಷಿಣ ಭಾರತದ ವಿವಿಧ ರಾಜ್ಯಗಳು ಹಾಗೂ ಗಾಲ್ಫ್ ಕ್ಲಬ್‌ಗಳಿಂದ ಹೆಚ್ಚಿನ ಸಂಖ್ಯೆಯ ಆಟಗಾರರು ಪಾಲ್ಗೊಳ್ಳುವ ನಿರೀಕ್ಷೆಯಿದೆ.
ಪಿಲಿಕುಳ ಗಾಲ್ಫ್ ಕ್ಲಬ್ ಕಳೆದ ಹಲವು ವರ್ಷಗಳಿಂದ ತಳಮಟ್ಟದಲ್ಲಿ ಗಾಲ್ಫ್ ಕ್ರೀಡೆಯನ್ನು ಉತ್ತೇಜಿಸುತ್ತಿದ್ದು, ಕಳೆದ ನಾಲ್ಕು ವರ್ಷಗಳಲ್ಲಿ ವಾರ್ಷಿಕ ಬಿಗಿನರ್ ಕೋಚಿಂಗ್ ಕಾರ್ಯಕ್ರಮದ ನಾಲ್ಕು ಆವೃತ್ತಿಗಳನ್ನು ಯಶಸ್ವಿಯಾಗಿ ನಡೆಸಿದೆ. ಈ ಮೂಲಕ ಸುಮಾರು 100 ಮಂದಿ ಹೊಸ ಆಟಗಾರರು ಗಾಲ್ಫ್ ಕ್ರೀಡೆಯತ್ತ ಆಕರ್ಷಿತರಾಗಿದ್ದು, ಅವರಲ್ಲಿ ಅನೇಕರು ಇದೀಗ ಕ್ಲಬ್‌ನಲ್ಲಿ ನಿಯಮಿತವಾಗಿ ಗಾಲ್ಫ್ ಆಡುತ್ತಿದ್ದಾರೆ.
ಕ್ರೀಡೆಯ ಪರಿಚಯದ ಜತೆಗೆ ಆಟಗಾರರಿಗೆ ಸ್ಪರ್ಧಾತ್ಮಕ ಗಾಲ್ಫ್‌ನಲ್ಲಿ ಭಾಗವಹಿಸಲು ಅವಕಾಶ ಕಲ್ಪಿಸುವ ಉದ್ದೇಶದಿಂದ ಕ್ಲಬ್ ತನ್ನ ಸ್ಪರ್ಧಾತ್ಮಕ ಕ್ಯಾಲೆಂಡರ್‌ನ್ನು ಹಂತಹಂತವಾಗಿ ವಿಸ್ತರಿಸುತ್ತಿದೆ. ಕಿರಿಯರು, ಹವ್ಯಾಸಿಗಳು ಹಾಗೂ ಅನುಭವಿ ಆಟಗಾರರಿಗೆ ವಿವಿಧ ಪಂದ್ಯಾವಳಿಗಳಲ್ಲಿ ಸ್ಪರ್ಧಿಸುವ ಅವಕಾಶ ನೀಡಲಾಗುತ್ತಿದೆ.
ದಕ್ಷಿಣ ವಲಯ ಚಾಂಪಿಯನ್‌ಶಿಪ್ ಮೂಲಕ ಕಿರಿಯ ಆಟಗಾರರಿಗೆ ಅಮೂಲ್ಯ ಪಂದ್ಯಾವಳಿ ಅನುಭವ ದೊರೆಯಲಿದ್ದು, ವಿವಿಧ ಕ್ಲಬ್‌ಗಳು ಹಾಗೂ ಪ್ರದೇಶಗಳ ಆಟಗಾರರೊಂದಿಗೆ ಸ್ಪರ್ಧಿಸಲು ಅವಕಾಶ ಸಿಗಲಿದೆ. ಮಂಗಳೂರನ್ನು ದಕ್ಷಿಣ ಭಾರತದ ಪ್ರಮುಖ ಉದಯೋನ್ಮುಖ ಗಾಲ್ಫ್ ತಾಣವಾಗಿ ಬೆಳೆಸುವ ನಿಟ್ಟಿನಲ್ಲಿ ಈ ಪಂದ್ಯಾವಳಿ ಮಹತ್ವದ ಹೆಜ್ಜೆಯಾಗಿದೆ ಎಂದು ಪಿಲಿಕುಳ ಗಾಲ್ಫ್ ಕ್ಲಬ್‌ನ ಕ್ಯಾಪ್ಟನ್ ಮನೋಜ್ ಕುಮಾರ್ ಶೆಟ್ಟಿ ತಿಳಿಸಿದ್ದಾರೆ.
I’ve tried a few sites recently but this one really stands out. The loading speed is great and the games are super smooth. Definitely check out idtopslot88 if you want a hassle-free experience.