ದೇವಸ್ಥಾನದಲ್ಲಿ ಕಳವು ಯತ್ನ: ಕುಖ್ಯಾತ ಕಳ್ಳ ರೆಡ್ ಹ್ಯಾಂಡ್ ಆಗಿ ಸೆರೆ

ಕಾಸರಗೋಡು : ಇಲ್ಲಿಯ ಅಲಾಮಿಪಲ್ಲಿ ಪೆಟ್ರೋಲ್ ಪಂಪ್ ಹತ್ತಿರವಿರುವ ರಾಜರಾಜೇಶ್ವರಿ ಮೂಕಾಂಬಿಕಾ ದೇವಸ್ಥಾನದಲ್ಲಿ ಕಳವು ನಡೆಸಲು ಯತ್ನಿಸಿದ ಕುಖ್ಯಾತ ಕಳ್ಳನನ್ನು ಸ್ಥಳೀಯರು ರೆಡ್ ಹ್ಯಾಂಡ್‌ ಆಗಿ ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ.ಬುಧವಾರ ಮುಂಜಾನೆ 2 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ.
​ಬಳಾಲ್ ನಿವಾಸಿ ಹರೀಶ್ ಕುಮಾರ್ (53) ಬಂಧಿತ ಆರೋಪಿ.

ದೇವಸ್ಥಾನದ ಸಮೀಪದ ಮನೆಯಿಂದ ಕೊಡಲಿ ತೆಗೆದುಕೊಂಡು ಬಂದು ಶ್ರೀಕೋವಿಡ್ ಬೀಗ ಮುರಿಯಲು ಯತ್ನಿಸುತ್ತಿದ್ದಾಗ, ಅನುಮಾನಗೊಂಡು ಗಮನಿಸುತ್ತಿದ್ದ ಸ್ಥಳೀಯರು ಆತನನ್ನು ಹಿಡಿದು ಮೊಬೈಲ್‌ನಲ್ಲಿ ದೃಶ್ಯ ಸೆರೆಹಿಡಿದಿದ್ದಾರೆ.

​ಮನೆ ಮಾಲೀಕ ಕೆ.ವಿ. ಪ್ರಶೋಭ್ ಕುಮಾರ್ ನೀಡಿದ ದೂರಿನ ಮೇರೆಗೆ ಹೋಸ್‌ದುರ್ಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಕಳೆದ ನವೆಂಬರ್‌ನಲ್ಲಿ ರಾಜೇಶ್ವರಿ ಮಠದಲ್ಲಿ ನಡೆದ ದರೋಡೆ ಸೇರಿದಂತೆ ಕಾಸರಗೋಡು ಹಾಗೂ ಕಣ್ಣೂರು ಜಿಲ್ಲೆಗಳ ಹಲವು ದೇವಾಲಯಗಳ ಕಳವು ಪ್ರಕರಣಗಳಲ್ಲಿ ಈತ ಪ್ರಮುಖ ಆರೋಪಿಯಾಗಿದ್ದಾನೆನ್ನಲಾಗಿದೆ.