ಕಾಸರಗೋಡು: ಕನಿಷ್ಠ ಟಿಕೆಟ್ ದರವನ್ನು ರೂ.15ಕ್ಕೆ ಹೆಚ್ಚಿಸುವಂತೆ ಆಗ್ರಹಿಸಿ ರಾಜ್ಯಾದ್ಯಂತ ಖಾಸಗಿ ಬಸ್ ಮಾಲೀಕರು ಅನಿರ್ದಿಷ್ಟಾವಧಿ ಸೇವೆಯನ್ನು ಸ್ಥಗಿತಗೊಳಿಸಿ ಪ್ರತಿಭಟನೆ ನಡೆಸಲು ತೀರ್ಮಾನಿಸಿದ್ದಾರೆ.ಮುಷ್ಕರದ ಅಧಿಕೃತ ದಿನಾಂಕವನ್ನು ನಾಳೆ ಪ್ರಕಟಿಸಲಾಗುವುದು.
ಕೆಎಸ್‌ಆರ್‌ಟಿಸಿಯ ‘ಪ್ರಿಯದರ್ಶಿನಿ ಉಚಿತ ಪ್ರಯಾಣ’ ಯೋಜನೆಯಿಂದ ಖಾಸಗಿ ಬಸ್‌ಗಳಿಗಾಗುವ ನಷ್ಟದ ಕುರಿತು ಅಧ್ಯಯನ ನಡೆಸಿದ ತಜ್ಞರ ಸಮಿತಿಯ ವರದಿಯು ಅಸಮಗ್ರವಾಗಿದೆ ಎಂದು ಮಾಲೀಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಮಾರ್ಗ ನವೀಕರಣ, ಸಮಯ ಬದಲಾವಣೆ ಹಾಗೂ ಖಾಸಗಿ ಬಸ್‌ಗಳ ಗುತ್ತಿಗೆ ಪಡೆಯುವಿಕೆಯಂತಹ ಸಮಿತಿಯ ಶಿಫಾರಸುಗಳು ನಷ್ಟಕ್ಕೆ ಸೂಕ್ತ ಪರಿಹಾರವಲ್ಲ.ಕನಿಷ್ಠ ದರ ಹೆಚ್ಚಳ ಹಾಗೂ ಕೆಎಸ್‌ಆರ್‌ಟಿಸಿ ವೇಳಾಪಟ್ಟಿ ಮರುಹೊಂದಾಣಿಕೆಯಿಂದ ಮಾತ್ರವೇ ಸಂಕಷ್ಟದಿಂದ ಹೊರಬರಲು ಸಾಧ್ಯ ಎಂದು ಖಾಸಗಿ ಬಸ್ ಒಕ್ಕೂಟ ಸ್ಪಷ್ಟಪಡಿಸಿದೆ.
