ಕಾಸರಗೋಡು : ವಿದ್ಯಾನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಇಬ್ಬರು ಯುವತಿಯರು ನಾಪತ್ತೆಯಾಗಿರುವ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಮುಂದುವರಿಸಿದ್ದಾರೆ.
ಪಾಡಿ ಎಡನೀರಿನ ಆಯಿಷಾ ಷರೀಫ್ (18) ಹಾಗೂ ಪಾಡಿ ನಾಲ್ಕಡ್ಕದ ಗೋಪಿನಾಥ್ ಅವರ ಪತ್ನಿ ಕೀರ್ತನ (22) ನಾಪತ್ತೆಯಾದವರಾಗಿದ್ದಾರೆ.
ಆಯಿಷಾ ಷರೀಫ್ ಬುಧವಾರ ಸಂಜೆ ವಿದ್ಯಾ‌ನಗರದ ಸುಜುಕಿ ಶೋರೂಮ್‌ಗೆ ತೆರಳಿದವರು ವಾಪಸ್‌ ಮನೆಗೆ ಬಾರದಿರುವುದಾಗಿ ಅವರ ತಂದೆ ಪೊಲೀಸರಿಗೆ ದೂರು ನೀಡಿದ್ದಾರೆ. ಇತ್ತ ಕೀರ್ತನ ಗುರುವಾರ ಸಂಜೆ 3.30ಕ್ಕೆ ರೇಷನ್ ಅಂಗಡಿಗೆಂದು ಹೋದವರು ಕಾಣೆಯಾಗಿದ್ದು, ಪತಿಯ ಸಹೋದರ ಈ ಬಗ್ಗೆ ವಿದ್ಯಾನಗರ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಿದ್ದಾರೆ.
ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಶೋಧ ಕಾರ್ಯವನ್ನು ಚುರುಕುಗೊಳಿಸಿದ್ದಾರೆ.
