ಮಂಜೇಶ್ವರ/ದುಬೈ : ಗೋವಿಂದ ಪೈ ಮೆಮೋರಿಯಲ್ ಗವರ್ನ್ಮೆಂಟ್ ಕಾಲೇಜ್ ಮಂಜೇಶ್ವರ ಇದರ ಯು.ಎ.ಇ. ಪೂರ್ವ ವಿದ್ಯಾರ್ಥಿಗಳ ವತಿಯಿಂದ ಆಯೋಜಿಸಲಾದ ಕುಟುಂಬ ಮಿಲನವು ಸದಸ್ಯರು ಮತ್ತು ಅವರ ಕುಟುಂಬಸ್ಥರ ಸಕ್ರಿಯ ಭಾಗವಹಿಸುವಿಕೆಯೊಂದಿಗೆ ಗಮನಸೆಳೆಯಿತು.
ಕಾಲೇಜು ದಿನಗಳ ನೆನಪುಗಳು ಮತ್ತು ಸ್ನೇಹವನ್ನು ನವೀಕರಿಸುವುದರ ಜೊತೆಗೆ, ಕುಟುಂಬಗಳ ನಡುವಿನ ಬಾಂಧವ್ಯವನ್ನು ಮತ್ತಷ್ಟು ಗಟ್ಟಿಗೊಳಿಸಲು ಈ ಮಿಲನವು ವೇದಿಕೆಯಾಯಿತು.
ಜಿಪಿಎಂ ಕಾಲೇಜು ಯು.ಎ.ಇ. ಅಲುಮ್ನೈ ಅಧ್ಯಕ್ಷ ಮುನೀರ್ ಸೊಂಕಾಲ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪ್ರಧಾನ ಕಾರ್ಯದರ್ಶಿ ಮೊಯ್ದೀನ್ ಅಲಿ ಸ್ವಾಗತಿಸಿದರು.
ಜನ್ನಿ ಫ್ಲವರ್ಸ್ ಇಂಟರ್ನ್ಯಾಷನಲ್ ಎಲ್.ಎಲ್.ಸಿ. ಸಂಸ್ಥಾಪಕ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಜನ್ನಿ ಜೋಸೆಫ್ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಕಾಲೇಜು ಕ್ಯಾಂಪಸ್‌ನ ಹಳೆಯ ನೆನಪುಗಳನ್ನು ಹಂಚಿಕೊಳ್ಳುವ ಮೂಲಕ ಮತ್ತು ಸ್ನೇಹದ ಉತ್ಸಾಹ ತುಂಬಿದ ಘೋಷಣೆಗಳು ಹಾಗೂ ಕೇಕೆಗಳೊಂದಿಗೆ ಸದಸ್ಯರು ಕಾರ್ಯಕ್ರಮವನ್ನು ಕಳೆಗಟ್ಟಿಸಿದರು.
ಬಳಿಕ ನಡೆದ ಸಭೆಯಲ್ಲಿ ಕಾರ್ಯದರ್ಶಿ ಮನೋಜ್ ಕೆ.ವಿ., ಜಂಟಿ ಕೋಶಾಧಿಕಾರಿ ಶಿಬು ಮುಹಮ್ಮದ್, ಜಂಟಿ ಕಾರ್ಯದರ್ಶಿ ರಂಜಿತ್ ಕೋಡೋತ್, ಜಿಪಿಎಂ ಕಾಲೇಜು ಯು.ಎ.ಇ. ಅಲುಮ್ನೈ ಉಪಾಧ್ಯಕ್ಷೆ ಪಾರಿಜಾತ ಪ್ರದೀಪ್, ಹಿರಿಯ ಸದಸ್ಯರಾದ ವೇಲಾಯುಧನ್, ಸಂದೀಪ್ ಮಾತನಾಡಿ ಅಭಿಪ್ರಾಯ ಹಂಚಿಕೊಂಡರು. ಕೋಶಾಧಿಕಾರಿ ಜಗತ್ ಕುಮಾರ್ ವಂದಿಸಿದರು.
ಆಯಿಷಾ ಶಮಿ, ದೀಪಾ ಭಟ್, ಇಂದುಲೇಖಾ ವಿ. ಗಣೇಶ್, ನಿಸಾಮ್ ಜಕರಿಯಾ, ಪ್ರಶಾಂತ್ ವಾಣಿಯಾ, ಲಿನೇಶ್ ಜೋಸ್, ಸುಜಿತ್ ರಾಜ್ ಅವರನ್ನೊಳಗೊಂಡ ಸಮಿತಿಯು ಈ ಕುಟುಂಬ ಮಿಲನದ ಸಂಘಟನೆಯ ನೇತೃತ್ವ ವಹಿಸಿತ್ತು.
ಅಲುಮ್ನೈ ಸದಸ್ಯರು ಮತ್ತು ಅವರ ಕುಟುಂಬಸ್ಥರು ಭಾಗವಹಿಸಿದ ವಿವಿಧ ಕಲಾ-ಕ್ರೀಡಾ ಕಾರ್ಯಕ್ರಮಗಳು ಮಿಲನದ ಮೆರುಗನ್ನು ಹೆಚ್ಚಿಸಿದವು. ಮಕ್ಕಳಿಗೆ ಮತ್ತು ಹಿರಿಯರಿಗೆ ಒಂದೇ ರೀತಿಯಲ್ಲಿ ಸಂತೋಷ ಹಾಗೂ ಸ್ನೇಹವನ್ನು ಹಂಚಿಕೊಳ್ಳಲು ಅವಕಾಶ ಮಾಡಿಕೊಟ್ಟ ಈ ಕಾರ್ಯಕ್ರಮವು, ಪ್ರವಾಸ ಜೀವನದ ನಡುವೆಯೂ ಹಳೆಯ ಸ್ನೇಹವನ್ನು ಉಳಿಸಿಕೊಂಡು ಕುಟುಂಬಗಳ ನಡುವಿನ ಬಾಂಧವ್ಯವನ್ನು ಗಟ್ಟಿಗೊಳಿಸಲು ನೆರವಾದ ಪ್ರೇಮ ಮಿಲನವಾಗಿ ಮೂಡಿಬಂತು .
