ಹೆದ್ದಾರಿ ಪಕ್ಕ ಪ್ಲೆಕ್ಸ್ ಹಾವಳಿ: ಅಪಘಾತ ಭೀತಿ ನಡುವೆ ಕ್ರಮಕ್ಕೆ ಸಾರ್ವಜನಿಕರ ಒತ್ತಾಯ
ಬಂಟ್ವಾಳ: ಮಂಗಳೂರು–ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ ಉದ್ದಕ್ಕೂ ವಿವಿಧ ಕಾರ್ಯಕ್ರಮಗಳಿಗೆ ಶುಭಕೋರುವ ಹೆಸರಿನಲ್ಲಿ ನೂರಾರು ಪ್ಲೆಕ್ಸ್ ಮತ್ತು ಬ್ಯಾನರ್ಗಳು ಅಕ್ರಮವಾಗಿ ಅಳವಡಿಕೆಯಾಗಿರುವುದು ಸಾರ್ವಜನಿಕರಲ್ಲಿ ಆತಂಕ ಮೂಡಿಸಿದೆ. ಪ್ಲಾಸ್ಟಿಕ್ ಪ್ಲೆಕ್ಸ್ಗಳಿಗೆ ಸರ್ಕಾರ ನಿಷೇಧ ಹೇರಿದ್ದರೂ, ಹೆದ್ದಾರಿ ಬದಿಯಲ್ಲಿ ಸಾಲುಸಾಲಾಗಿ ಬ್ಯಾನರ್ಗಳು ರಾರಾಜಿಸುತ್ತಿರುವುದು ಕಂಡುಬರುತ್ತಿದೆ. ವಿಶೇಷವಾಗಿ ಬಿಸಿರೋಡು ಪ್ರದೇಶದಲ್ಲಿ ರಸ್ತೆ ಅಂಚನ್ನು ಆಕ್ರಮಿಸಿಕೊಂಡು ಅಳವಡಿಸಿರುವ ಭಾರೀ ಗಾತ್ರದ ಬ್ಯಾನರ್ಗಳು ಯಾವ ಕ್ಷಣದಲ್ಲಾದರೂ ಕುಸಿದು ರಸ್ತೆ ಮೇಲೆ ಬೀಳುವ ಅಪಾಯ ಉಂಟಾಗಿದೆ. ಕೆಲವು ಬ್ಯಾನರ್ಗಳು ಈಗಾಗಲೇ ಸೊಂಟಮುರಿದು ರಸ್ತೆಯ ಕಡೆಗೆ ವಾಲಿ ನಿಂತಿದ್ದು,…